सत्ता कब्जाया निंतिं आन्दोलन मखु : प्रचण्ड

एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' सत्ता कब्ज यायेगु निंतिं थःगु पार्टी आन्दोलन यायेत्यंगु खँ सत्य मजूगु खँ धयादीगु दु । वय्कलं पिने प्रचारवाजी जू कथं माओवादीं सत्ता कब्जा यायेगु कथं आन्दोलन मयायेगु स्पष्ट यानादिल ।

माओवादी पार्टीया मू ज्याकू पेरिसडाँडाय् शुक्रवा: उद्योग व्यवासायीत नाप जूगु अन्तरक्रियय् वय्कलं माओवादी आन्दोलनय् उद्योग क्षेत्र प्रभावित जुइमबीगु प्रतिबद्धता प्वंकादिल । उगु इलय् उद्योग व्यवसायीतय्सं उद्योग क्षेत्रय् प्रभाव लाइगु कथं आन्दोलन मयायेत माओवादीयात इनाप याःगु खः ।

अन्तरक्रियाय् उद्योग वाणिज्य महासंघया अध्यक्ष कुशकुमार जोशी लगायत व्यवसायीतय् ब्वति दुगु खः ।