'कांग्रेस मन्त्रीत लिहां वा'
येँ (सन्ध्या टाइम्स)/थः कार्यकर्तायात भकुमार दाया हलं नं सरकारं सुं हे अपराधीयात मज्वंगु कारणं थज्याःगु सरकारय् वनाच्वंपिं थःपिनि पार्टीया फुक्कं मन्त्रीत लिहां वयेमाः धकाः कांग्रेसया भातृ संगठन नेवि संघं माग याःगु दु। म्हिगः येँया त्रिचन्द्र, शंकरदेव आदि क्याम्पसय् जूगु ल्वापुइ नेवि संघया आपालं दुजःत घाःपाः जूगु खः तर नं प्रहरीं सुयातं मज्वंगुलिं गृहमन्त्री भिम रावलं २४ घण्टाया दुने राजीनामा बीमाः धकाः नं नेवि संघं अल्टिमेटम सहित माग याःगु खः। उखे एमालेया नेपाल युवा संघं माओवादीया प्रतिकार यायेगु बारे म्हिगः सेनाया जर्नेलतलिसे गोप्य सहलह याःगु दु ।
