नेवाः मुक्ति मोर्चाया बिस्कं ल्याय्म्ह पुचः

येँ (सन्ध्या टाइम्स)/नेवाः राष्ट्रिय मुक्ति मोर्चा येँ जिल्लां थःगु पुचः दुने नेवाः ल्याय्म्हतय्गु बिस्कं फाँट गठन याःगु दु। छगू भेलाया दथुइ मोर्चां नेवाः ल्याय्म्ह पुचः नीस्वंगु खः। येँ जिल्लास्तरया उगु पुचःया नायः विनोद महर्जन व छ्याञ्जे सानुकाजी महर्जन जुयादीगु दु। पुचलय् २३ म्ह दुजःत दु। भेलाय् मू पाहां कथं मोर्चाया मू छ्याञ्जे पवनमान श्रेष्ठ झाःगु खःसा ज्याझ्वलय् वाइसिएलया नारायण महर्जन, आकाश व मोर्चाया येँ जिल्ला नायः उमेश स्थापितं नुगःखँ प्वंकादीगु खः ।