सत्ता कब्जा यायेगु म्हगस खंकेमते : ओली
नेकपा (एमाले)या वरिष्ठ नेता केपी शर्मा ओलीं माओवादीयात अन्तिम लडाई धकाः सत्ता कब्जा यायेगु म्हगस मखंकेत इनाप यानादीगु दु । माओवादीयात सरकार माल धायेवं सरकारया नेतृत्व याइगु सम्भावना मदुगु जक मखु अज्याःगु म्हगस तकं मखंकेत माओवादीयात वय्कलं इनाप यानादिल ।
प्रेस चौतारी ख्वपः शाखां शुक्रवाः याःगु अन्तरक्रिया ज्याझ्वलय् वय्कलं माओवादीं आतंकवादी शासन लादे यायेत सरकार कब्जा यायेगु कुतः यानाच्वंगु द्वपं बियादिल । माओवादीं एकदलीय, तोडफोडवादी, आतंककारी शासन यायेगु धायाच्वंसाः सरकारं छाय् वयात सरकारया नेतृत्व बी धकाः न्ह्यसः तयादिल ।
वय्कलं माओवादीं हिसां मत्वःतुतल्ले छुं नं विषयलय् समहति जुइमफइगु धयादिल । हिंसा त्वःताः शान्ति स्थापनाया निंतिं माओवादी तयार जुसाः न्ह्याःगु नं सम्झौता यानाः माओवादीं छु चाहे जूगु वहे बीत थ:पिं तयार दुगु खँ वय्कलं धयादिल ।
