राष्ट्रपतिया कारणं वर्तमान समस्या : गुप्ता
मधेसी जनअधिकार फोरमया सह अध्यक्ष जयप्रकाश गुप्तां देया वर्तमान अवस्था राष्ट्रपति डा. रामवरण यादवया कारणं वःगु द्वपं बियादीगु दु । आलंकारिक राष्ट्रपति इलय् ब्यलय् सक्रिय जुइत स्वःगुलिं देशय् समस्या ब्वलंगु धयादिल ।
मधेसी जनअधिकार फोरमं सप्तरीया बोधे बर्साइनिलय् ग्वसाःग्वःगु विरोध सभायात सम्बोधन यानादिसें गुप्तां राष्ट्रपतिं थःत देया चिन्ता जूगु धकाः क्यनेत वय्कलं दलत नाप अनावश्यक व अप्रजातान्त्रिक सहलहया श्रृंखला न्ह्याकूगु धयादिल ।
वय्कलं राष्ट्रपतिं स्वंगू तःधंगु दलयात जक महत्व ब्यूगु व मधेशवादी दल लगायत मेमेगू दलयात हेला याःगु द्वपं नं बियादिल । वय्कलं थ्वहे कारणं शान्ति प्रकृया व संविधान निर्माणय् सहमति जुइमफुगु दावी यानादिल ।
उगु सभायात फोरम अध्यक्ष उपेन्द्र यादवं वर्तमान सरकारं सत्ता मत्वःतुतल्ले शान्ति प्रकृया व न्हूगु संविधान निर्माण जुइमफइगु दावी यानादिल ।
