त्रिचन्द्रया स्ववियु उपसभापतियात ज्वन

निवाः न्ह्यः त्रिच्न्द्र क्याम्पसय् अखिलया विद्यार्थीतय्त खुकुरीं पाःगु द्वपंनय् प्रहरीं क्याम्पसया स्ववियु उपसभापति विष्णु पौडेलयात ज्वनां यंकूगु दु । पौडेलयात त्रिचन्द्र क्याम्पसं बिहीवाः सुथय् नगर प्रहरीं ज्वनाः यंकूगु खः । ज्वनाः यंकूम्ह पौडेलयात महेन्द पुलिस क्लबय् तयातःगु दु ।

खुकुरीं पाःला घाःपाः जूम्ह अखिलया समिक बडालं पौडेलया विरुद्ध महानगरीय प्रहरी परिसरय् किटानी जाहेरी यायेवं वयात ज्वंगु दु । पौडेलया बारे अनुसन्धान जुयाच्वंगु दु । वंगु चैता २९ गते त्रिचन्द्र क्याम्पसय् नेपाल विद्यार्थी संघया विद्यार्थीतय्सं खुकुरीं पाःला बडाल सहित अखिलया नेता घाःपाः जूगु खः ।

उखे पौडेलयात ज्वंगु विरोधय् त्रिचन्द्र क्याम्पस व पदमकन्या क्याम्पसय् नेवि संघं सतक अवरोध यानाः विरोध प्रदर्शन याःगु दु ।