शान्ति सम्झौता विरोधी गतिविधि बन्द यायेत सरकारया इनाप
सरकारं माओवादीं न्ह्याकूगु सैन्य तालिमं विस्तृत शान्ति सम्झोताय् नकारात्मक लिच्वः लाकीगु धासें अज्याःगु गतिविधि तत्काल बन्द यायेत इनाप याःगु दु ।
सुरक्षा प्रमुखत सहित बिहीवाः सुथय् च्वंगु मन्त्रिपरिषद्या बैठकं माओवादीया लिप्पांगु गतिविधिया समिक्षा यासें शान्ति सम्झौता विपरीतया ज्या बन्द यायेत इनाप याःगु खः । सरकारी प्रवक्ता शंकर पोखरेलं माओवादी गविविधिं दलत दथुइया सहकार्य व सहकति नापं शान्ति प्रकृयालय् नकारात्मक लिच्वः लाकीगु पाखे माओवादीया ध्यानाकर्षण यायेगु निर्णय जूगु कनादिसें तत्काल शान्ति सम्झौता विरोधी गतिविधि दिकेत इनाप यानादिल ।
अथेहे बैठकय् शान्ति सुरक्षा कायम यायेत एकीकृत ढंगं सुरक्षा योजना व रणनीति दयेकेत सुरक्षा अधिकारीतय्त निर्देशन ब्यूगु दु । नापं माओवादी पाखें यानाच्वंगु तालिम व आन्दोलन यायेगु धकाः यानाच्वंगु तयारीलय् निगरानी तयाः सुरक्षा व्यवस्था क्वाःतुकेत निर्देशन ब्यूगु दु ।
बैठकय् नेपाल प्रहरी, सशस्त्र प्रहरी व राष्ट्रिय अनुसन्धान विभागया प्रमुखतय् ब्वति दुगु खः ।
