निगू सैन्य संरचनाया कारणं समस्या : पोखरेल
नेकपा (एमाले)या महासचिव ईश्वर पोखरेलं देशय् निगू सैन्य संरचना दुगुलिं संविधान निर्माण यायेगु ज्याय् समस्या व:गु खँ धयादीगु दु । वय्कलं निगू सैन्य संरचना कायम जूतल्ले संविधान निर्माण यायेगु ज्यां पूर्णता कायेमफइगु दाबी यानादिल ।
प्रेस चौतारी बाँकें बुधवाः नेपालगञ्जय् याःगु पत्रकार सम्मेलनय् वय्कलं माओवादीया नेता व कार्यकर्तां खुकुरी प्रशिक्षण बियाः संविधान निर्माण जुइमफइगु धयादिसें माओवादीं सैन्य तालिम शुरु याःगुलिं वं सरकरया नेतृत्व याइगु सम्भावना नं म्हो जुयावनाच्वंगु धयादिल । वय्कलं नागरिक पार्टी जुसाः माओवादीयात सरकारया नेतृत्व बीफइगु जुसां सैन्य तालिमया कारणं अज्याःगु सम्भावना म्हो जूगु दाबी यानादिल ।
अथेहे वय्कलं माओवादी हठया कारणं शान्ति प्रकृया पूवनेमफूगु धयादिसें माओवादीयात बालहठ त्याग यानाः सहमतिलय् वयेत वय्कलं इनाप यानादिल ।
