नवलपरासी, दाङ व इलामय् जूगु दुर्घटना ९म्ह सित

नवलपरासी दाङ व इलामय् जूगु ब्यागलं ब्यागलं दुर्घटनाय् गुम्ह सीगु दु । नवलपरासीया दाउन्ने व ज्यामिरे जूगु निगू ब्यागलं ब्यागलं दुर्घटनाय् जक प्यम्ह सीगु दु । नवलपरासीया दाउन्ने ट्रक पल्टेजुयाः चालक नापं प्यम्ह सीगु दु । सीिपं मध्ये निम्ह मिसा व निम्ह मिजं खः । अथेहे नवलपरासीया हे ज्यामिरे ट्रकया ठक्करं छम्ह मिसामचा सीगु दु । ट्रकं ठक्कर बिइवं ज्यामिरेया िझंस्वदँ दुम्ह रमिता चौधरी सीगु खः । दुर्घटना लिपा ट्रक चालक फरार जूगु दु । अथेहे दाङया घोराहीस्थित चौपट्टाय् बस दुर्घटना जुयाः निम्ह सीगु दु । येँ नं वनाच्वंगु ना। २ ख ४९५५ नम्बरया बस सडकं स्वसः मिटर क्वये कुतुंवनाः सिमाय् यगाःगू खः । दुर्घटनाय् झिम्ह घाःपाः जूगु दु । अथेहे जन्ती कयाः वनाच्वंगु ट्याक्सी इलामया चिहानडाँडाय् दुर्घटना जुया निम्ह सीगु दुसा च्याम्ह घाःपाः जूगु दु । मोरङया बयरवनं पाँचथरया थर्पुइ जन्ती कया वनाच्वंगु मे। १ ज ६४३ नम्बरया ट्याक्सी दुर्घटनाग्रस्त जूगु खः । दुर्घटनाय् मिजंया अबु खुइछदँ दुम्ह उमानाथ दाहाल व नीन्यादँ दुम्ह तता कल्पना दाहाल सीगु दु । घाःपाः जूिपं फुक्कसिया धरानय् च्वंगु बीपी कोइराला स्व्ाास्थ्य विज्ञान प्रतिष्ठानय् वासः जुयाच्वंगु दु ।