रामशेखरपाखें 'क्वचाकाचा' विमोचन

ख्वप (सन्ध्या टाइम्स)/नांजाःम्ह साहित्यकार रामशेखर नकःमिं थौं सुथय् जूगु छगू ज्याझ्वःया दथुइ ख्यालि न्हिलि भीसीडी 'क्वचाकाचा' बिमोचन यानादिल। नेपाः हिउपाः संकिपा ख्वपपाखें पिथंगु उगु सीडी विमोचन ज्याझ्वलय् रामशेखर नकःमि नापं संस्थाया न्वकु कृष्ण प्रजापति, दांभरि तुल्सीनारायण कुम्पाख, सांकेतिक भाषाया गुरु जयराम पकानेवाःपिंसं न्ववानादीगु खः। ज्याझ्वः नेपाः हिउपाः संकिपाया नायः रत्न खाय्मलीया सभापतित्वय् जूगु खः ।