येँया १८ वडाय् स्थानीय नेवाःतय् मुँज्या

येँ (सन्ध्या टाइम्स)/थनया १८ वडाया भक्त विद्याश्रमय् छगू नेवाः मुँज्या जुल। नेवाः देय् दबू येँ जिल्ला समितिया दुजः धनबहादुर महर्जन 'तिमिला' या सक्रियताय् च्वंगु उगु मुँज्याय् डा.महेशमान श्रेष्ठं आः वइगु बैसाख १४ गते संविधानसभा धेराउ ज्याझ्वलय् सकलें नेवाःतय्सं सक्रिय रुपं ब्वति कायेमाःगु खँ कनादिल। उगु हे मुँज्यां सुरेश बैद्यया अध्यक्षताय् छगू ज्यासना पुचः नं स्वंगु दु। उगु पुचःया दुजलय् राजेन्द्र महर्जन, धनबहादुर महर्जन, महेन्द्र शाही, राजु श्रेष्ठ, अरुण तुलाधरव रचना राजोपाध्याय च्वनादीगु दु ।