दोलखाय् नं गाडी ठप्प

येँ (सन्ध्या टाइम्स)/बसय् तोडफोड व लुटपाट याःपिंत कारवाही यायेमाःगु माग यासें अखिल नेपाल यातातया मजदूर संघं दोलखाय् थनिंनिसें अनिश्चितकाल तकया नितिं बन्द याःगु दु। बन्द यानाः दोलखा व रामेछाप जुयाः येँय् वये-वने याइगु छुं नं सवारी साधन चले जूगु मदु। यातायात बन्द जूगुलिं सर्वसाधारणयात तसकं समस्या जुयाच्वंगु दु। बन्द लित कायेकेगु कुतः कथं जिल्ला प्रशासन ज्याकुथी म्हिगः जूगु सर्वपक्षीय मुँज्याय् नं सहमति जुइ मफुत। यातायात मजदूरतय्सं दोषीयात कारवाही मयाःतले बन्द जारी यायेगु जुइ धाःगु दु ।