थौं हाकनं मेम्ह चिुतवा नियन्त्रणय्

येँया चन्डोलय् थौं सुथय् स्थानीय मोहन वमया छेँ सुलाच्वंम्ह जंगली चितुवा वन विभागया कर्मचारी व प्रहरीं बेहोस यानाः नियन्त्रणय् काःगु दु । वमया छेँया छेरी सुलाच्वंगु अवस्थाय् चितुवायात नियन्त्रणय् कायेत निघौ ब्यूगु खः । मानव वस्ति खनेदयेवं सुथंनिसें उगु क्षेत्रय् चितुवा आतंक मचेजूगु खः । म्हिगः नं छम्ह चितुवां स्वम्हेसित हःता यायेवं नियन्त्रणय् कायेगु भुवलय् प्रहरीं कयेकूगु गोलीं चितुवा सीगु खःसा थौं धाःसा नियन्त्रणय् कायेत अःपूगु वन विभागया अधीकारीतय्सं धाःगु दु । म्हिगः चन्डोलय् स्थानीय मनूतय्त हःता याःम्ह चितुवायात प्रहरीं गोलीं कयेका स्यानाब्यूगु खः । हःता याःम्ह चितुवायात नियन्त्रणय् कायेगु भुवलय् प्रहरी व वन विभागया टोलीं चितुवायात गोलीं कयेका स्यानाब्यूगु खः । थ्वसिवें न्ह्यः चितुवाया हःतालं येँया चन्डोलय् स्वम्ह घाःपाः जूगु दु । घाःपाः जूिपं िसंगी शेर्पा व मनीष कार्कीया महाराजगाजय् च्वंगु शिक्षण अस्पतालय् वासः जुयाच्वंगु दु । घाःपाः जूम्ह शेर्पाया छ्यने चितुवां न्याःगु दुसा कार्कीया प्वाथय् कय्पूगु दु । शेर्पां इहिपाःया निितं पँ कायेत वनाच्वंगु इलय् चितुवां आकाझाकां हःता याःगु खः । चितुवायात नियन्त्रणय् कायेगु भुवलय् वन विभागया कर्मचारीयात तकं घाःपाः जुगु दु । येँ महानगरपालिकाया वडा न ४ य् लाःगु योगेश्वर मार्ग व सुमंगल मार्गया दथुइ लाःगु थ्यंमथ्यं स्वंगू स्वंगू रोपनी क्षेत्रफल कःघानाच्वंगु पँ झाः दुगु क्षेत्रय् म्हिगः बहनी निसें चितुवा खनेदुगु स्थानिय मनूतय्सं धाःगु दु । सुथय् च्यातात्या इलय् चितुवां हःता याःगु खःसां म्ह्वः ल्याखय् जक प्रहरी घटनास्थल वःगु खःसा बन बिभाग व चिडियाखानाया नियन्त्रण टोली न्याघौ लिपा जक घटनास्थल थ्यंकूगु खः । घटना लिपा यक्वः ल्याखय् मनूत चितुवा स्वयेत अन मूवःगु खः । स्थानिय मनूतय्सं प्रहरी व बन बिभागया टोलीं घटनायात सामन्य रुपं काःगु व व्यवास्ता यानाः लिवाक्क वःगु धासें तँ प्वंकूगु दु । चितुवा सुयागु छेँ लहिनातःगु व लिपा त्वःतूगु हुिनं झालय् सुचाच्वं वःगु स्थानिय मनूतय्गु अनुमान दु ।