ट्रक फाटापुला पासाङल्हामु मार्ग अवरुद्ध

रसुवाय् बुधवाः सुथय् छगः मालवाहक ट्रक फाटापुला अनया पासाङल्हामु मार्ग अवरुद्ध जूगु दु । खाद्यान्न ज्वनाः रसुवाया गतलाङ वनाच्वंगु वा. २. ख. ५८४२ नम्बरया मालवाहक ट्रक धुन्चे निसें नीप्यंगू किलोमिटर दक्षिणय् लाःगु पासाङल्हामु मार्गय् दुर्घटना जूगु खः । दुर्घटनाय् लानाः ट्रक चालक राजकुमार तामाङ घाःपाः जूगु दु । घाःपाः जूम्ह तामाङयात कालिका सामुदायिक अस्पतालय् वासः याकातःगु दु ।

ट्रकया ब्रेकफेल जुयाः उगु दुर्घटना जूगु खँ प्रहरीं धाःगु दु । सतक बन्दया कारणं सवारीसाधन अलपत्र जूगु दुसा: उगु सतक चायेकेगु निंतिं अन प्रहरी परिचालन यानाः सतक चायेकेगु ज्या जुयाच्वंगु दु ।