थनिंनिसें तराई बन्द

येँ (सन्ध्या टाइम्स)/नेपाल पिछडा बर्ग महासंघं थनिंनिसें अनिश्चितकाल तक तराई बन्द याःगु दु। फुक्क ख्यलय् थःपिंत आरक्षण बीमाःगु नापं थीथी कथंया च्यागू बुँदाया माग तयाः पिछडा बर्ग महासंघं तराईया नीनिगू जिल्ला अनिश्चितकाल तकया निंतिं बन्दया आह्वान याःगु खः ।

उमिगु बन्दं यानाः पूर्वपश्चिम राज मार्ग व सहायक मार्गय् यातायातया साधन संचालन जूगु मदु। अथे हे कलकारखाना, बजाः नापं शिक्षण संस्था तकं बन्द जूगु दु। महासंघया कार्यकर्तातय्सं पूर्वपश्चिम राजमार्गया थीथी थासय् थौं सुथंनिसें हे प्रदर्शन यानाच्वंगु दु ।