स्कूलया लेखाय् तालं
येँ (सन्ध्या टाइम्स)/अखिल क्रान्तिकारीं देय्न्यंकंया निजी शिक्षण संस्थाया लेखा शाखाय् तालं ग्वया बिउगु दु। निजी शिक्षण संस्थातय्सं २५ निसें ५० प्रतिशत तक शुल्क अप्वः काःगु द्वपं बिसें अखिल क्रान्तिकारीं उकिया विरोध यासें थ्व तालाबन्दी शुरु याःगु खः। न्हापांगु चरणया आन्दोलन कथं लेखा शाखाय् तालं ग्वयेगु ज्या जूगु खःसा १२ गतेनिसें अनिश्चितकाल तक निजी शिक्षण संस्था बन्द यायेगु ख्याच्वः उमिसं बिउगु दु ।
