मनपां नं दां बीगु
येँ (सन्ध्या टाइम्स)/येँया इतुंबहा ताननिइ छेँ मिं नयाः पीडित जूपिं न्यागू परिवारयात येँ महानगरपालिकाय् दैवी प्रकोप कोषय् गुलि दां दु व फुक्कं बीगु जूगु दु। ताननि अग्नीपीडित राहत संकलन कोषया दुजःपिं म्हिगः महानगरपालिकाय् वनाः खँ ल्हाःगु इलय् महानगरपालिकाया कार्यकारी अधिकृतं उगु बचं बियादीगु खः। थ्वहे दथुइ म्हिगः ताननिया पीडित नेवाः परिवारया अवस्था नापं अनया वस्तु स्थितियात कयाः नेवाः सभासदपिंत अवलोकन याकेगु नापं पीडित परिवारयात ग्वाहालिया निंतिं इनाप याःगु खः ।
