जनचिकित्सालयया २९ दँ बुन्हि
येँ (सन्ध्या टाइ म्स)/ थनया न्ह्यःखाय् च्वंगु जन चिकित्सालय २९ दँय् क्यंगु लसताय् छगू ज्याझ्वः जुल। चिकित्सालयया नायः नापं पुलांम्ह मन्त्री प्रा. ऐश्वर्यलाल प्रधानाङ्गया सभापतित्वय् जूगु उगु ज्याझ्वलय् इन्टरनेशनल लायन्स क्लब नेपालया पुलांम्ह गभर्नर भरतलाल श्रेष्ठ, पुलांम्ह मन्त्री प्रयागराज सिं सुवाल, प्रा. सुवर्ण शाक्य, शारदामान वैद्यपिंसं न्ववानादीगु खः ।
ज्याझ्वलय् सचिव गव्य नाथ पन्तं दछिया ज्याझ्वः व कोषाध्यक्ष रामेश्वरप्रसाद श्रेष्ठं आर्थिक प्रतिवेदन न्ह्यब्वयादीगु खःसा दिलीप मान श्रेष्ठं लसकुस यानादीगु खः। थौंकन्हय् थन डा. धु्रवमान श्रेष्ठ (मानसिक रोग), डा. सुधिरनारायण श्रेष्ठ (जनरल फिजिसियन), डा. प्रनिता भट्ट (स्त्री रोग), डा. सुभाष पोखरेल (बाल रोग), डा. कोपिला राई (ईएनटी), लक्ष्मीवदन श्रेष्ठ (ल्याब) पाखें न्हिंन्हिं सेवा बिया वयाच्वंगु दु ।
