प्राइम बैंकया निम्ह गार्ड रहस्यमय ढंगं सित

छुं ई न्ह्यः तिनि चायेकूगु प्राइम बैंकया असं कमलाक्षी शाखाया निम्ह गार्ड रहस्यमय ढंगं सीगु दु । छम्ह गार्ड सीधुंकूगु अवस्थाय् लुइकूगु खःसा मेम्हेसित बेहोस अवस्थाय् लुइकूगु खः । लिपाः वयात वीर अस्पतालय् वास: याकातःगु इलय् मदुगु खः ।

प्रहरीया प्रारम्भीक अनुसन्धान कथं भूमिगत पार्किङय् द्यनाच्वंगुलिं अक्सिजनया अभावया कारणं सीगु जुइफुगु खँ धाःगु दु । स्याङ्जा छेँ जुम्ह पीप्यदँया बमबहादुर गुरुङ सिनाच्वंगु इलय् लुइकूगु खःसाः तनहुँ दमौली छेँ जुम्ह न्यय्दँया टीकाबहादुर खड्का वीर अस्पतालय् मदुगु खः । आः गुरुङया सीम्ह वीर अस्पतालय् व खड्काया सीम्ह शिक्षण अस्पतालय् पोस्टमार्टया निंतिं तयातःगु दु ।