माओवादीं संसदं नं संघर्ष तच्वयेकीगु
सतकय् आन्दोलनरत प्रमुख प्रतिपक्षी दल एकीकृत नेकपा (माओवादीं) सरकार विघटनया निंतिं सदनं नं संघर्षयात तच्वयेकीगु निर्णय याःगु दु ।
माओवादीया सोमवाः च्वंगु संसदीय दलया बैठक राष्ट्रिय सहमतिया सरकार गठन यायेत सतक व सदनं संघर्षयात तच्वयेकीगु निर्णय याःगु खः । अथेहे बैठकं राजनीतिक सहमतिया निंतिं वर्तमान सरकार बाधक जूगु निष्कर्ष पिकासें प्रधानमन्त्रीया राजीनामा माग याःगु दु । प्रधानमन्त्रीं तत्काल राजीनामा बिया: सहमतिया निंतिं लँपू चायेकेत माःगु माग नं बैठकं याःगु दु ।
तत्काल सरकार विरुद्ध अविश्वासया प्रस्ताव मयंकेगु निर्णय याःगु माओवादीं संसदीय दलया बैठकय् प्रधानमन्त्रीया राजीनामा व भावी राजनीतिक अवस्थाया बारे सहलह याःगु खः । उगु बैठकय् जेठ १४ गते संविधान निर्माण जुइ मफुगु अवस्थाय् छु यायेगु धइगु बारे नं सहलह जूगु खः । बैठकं कांग्रेस व एमाले संविधान निर्माणया बाधक जूगु निष्कर्ष नं पिकाःगु दु ।
अथेहे माओवादी पोलिटब्यूरो बैठकं याःगु निर्णयया बारे नं बैठकय् सभासद्तय्त जानकारी ब्यूगु खः ।
