माओवादी, द्वन्द्वपीडित प्रहरी व सेनापाखें बन्द आह्वान
येँ (सन्ध्या टाइम्स)/एकिकृत नेकपा (माओवादी), द्वन्द्वपीडित सेना व प्रहरीया मंकाः संघर्ष समितिपाखें आह्वान याःगु बन्दं यानाः सुदूरपश्चिमया जनजीवन सुथंनिसें प्रभावित जूगु दु ।
थःपिनि ज्वनातःपिं कार्यकर्तात त्वःतेमाःगु माग यानाः वंगु शनिवाःनिसें हे अनिश्चितकाल तकया निंतिं धकाः माओवादीं सुदूरपश्चिम बन्द आह्वान याःगु खः। पुलांपिं नेपाली सेना व प्रहरीतय्सं नं थःपिनिगु न्यागू माग पूरा यायेमाःगु माग यानाः थौं सुदूरपश्चिमय् आमहडताल आह्वान याःगु दु। अन आः सरकारी ज्याकुथि, बजाः, यातायात, शिक्षण संस्था फुक्कं बन्द जुयाच्वंगु दु ।
सशस्त्र द्वन्द्वया इलय् जागिर त्वःतूपिंत पुनर्बहाली यायेमाःगु, जागिर त्वःतेधुंकाःनिसें आतकया तलबभत्ताया व्यवस्था यायेमाःगु, पीडितयात राहत बीमाःगु नापं थीथी कथंया माग तयाः पुलांपिं सेना व प्रहरीतय्सं दयेकूगु संघर्ष समितिं थुगु बन्दया आह्वान याःगु खः ।
