पीडित नेवाःतय्त ग्वाहालिकथं थौं ८५ द्वः दां मुन
येँ (सन्ध्या टाइम्स)/छेँ मिं नयाः पीडित जूपिं न्यागू परिवारया नेवाःतय्त ग्वाहालि यायेगु नितिं वंगु शनिवाः दयेकूगु समितिया नां 'ताहाननि अग्नीपीडित राहत कोष संकलन समिति' धकाः तःगु' दु।
समितिया कजिइ चन्दानन्द नेवाः, छ्याञ्जेय्
बाबुराजा महर्जन, दांभरीइ मचाराजा महर्जन, दुजलय् अमर बज्राचार्य, मुकेश मास्के, चन्द्र महर्जन, दिनेशमान डंगोल, नरेश महर्जन, भिन्द्यः महर्जन, धर्मरत्न पाछै, प्रज्ञारत्न शाक्य, राजु तुलाधर व तुलसीनरायण महर्जनयात तःगु दु।
अथे हे सल्लाहकारय् ज्यापु महागुथिया येँ महानगरया नायः मोहनकृष्ण डंगोल, नेवाः राष्ट्रिय मुक्ति मोर्चाया येँ जिल्लाया नायः उमेश स्थापित व नेवाः जागरण मञ्चया कजि सुजिव वज्राचार्ययात ल्यःगु दु ।
उगु समितिं थौं जक हे ८५ द्वः दां मुंगु ज्या याःगु दु। न्हापाया ४७ द्वः मंकाः धुकुतिइ अले थौं मुंगु ८५ द्वः दां ग्लोबल बैंकय् तयेगु नं खँ क्वःछिउगु दु ।
थौं हे सनिलय् उगु समितिपाखें येँया इतुंबहालय् च्वंगु ताहाननि लागाय् नेवाः सभासद्तपाखें पीडित नेवाःतय्गु अवस्था नापं अनया वस्तुस्थितियात कयाः अवलोकन याकेगु नापं ग्वाहालि कायेगु नं ज्याझ्वः तयातःगु दु ।
