दुर्घटना जुयाः स्वम्ह सित
येँ (सन्ध्या टाइम्स)/चितवनया फूलबारीइ वंगु चान्हय् ट्याक्टरं ठक्कर नकूगुलिं मोटरसाइकलय् वःपिं निम्ह मनू सीगु दु। मोटरसाइकल चालक नारायणकृष्ण चापागाई व मोटरसाइकलय् लिउने च्वनावःम्ह विष्णु अधिकारी सीगु खः। ना १ त ५३४९ नम्बरया ट्याक्टरं ठक्कर नकाः अन हे च्वंपिं इपिं मनूत घट्नास्थलय् हे सीगु खः। अथे हे नवलपरासीया दुम्कीबास धइगु थासय् वंगु चान्हय् ट्रक दुर्घटना जुयाः चालक सीगु दु। भारतं वःगु एच आर ५५-७५८८ नम्बरया भारतीय ट्रक लं क्वय् कुतुंवनाः दुर्घटना जुयाः चालक अब्दुल मुसलमान सीगु खःसा मेम्ह छम्ह नं घाःपाः जूगु दु ।
