बस दुर्घटनाय् प्यम्ह सित

चितवनया रामनगरय् आइतवाः सनिलय् जूगु बस दुर्घटनाय् लानाः प्यम्ह सीगु दु । अथेहे दुर्घटनाय् लानाः पीम्ह स्वयां अप्व: घाःपा जूगु दुसाः उकी मध्ये झिंच्याम्हेसिया अवस्था चिन्ताजनक दु । घाःपाः जूपिंत भरतपुर अस्पताल व मेडिकल कलेजय् वासः याकातःगु दु ।

गोर्खा पाखें चितवनया खोलेसिमल वनाच्वंगु ना. १. ख. ८५७७ नम्बरया बस रामनगरय् दुर्घटना जूगु ख: । दुर्घटना लिपाः निम्ह घटनास्थलय् व निम्ह भरतपुर अस्पतालय् वासः याकातःगु इलय् मदुगु खः । दुर्घटनाय् पोखराया रामलाल महतो, सरस्वती खनाल व वीरगन्जयानन्दु राउत सीगु दुसा: छम्हेसिया सनाखत जुइमफुनी ।

चितवनय् आइतवाः सनिलय् तःधंगु वाः वयाच्वंगु व लँ चुलुगुलिं बस फाटापुला दुर्घटना जूगु खँ चितवन प्रहरीं धाःगु दु ।