झाडाबान्ताया कारणं जाजरकोटरय् छम्ह मिसा सित

जाजरकोटय् न्यनावंगु झाडाबान्ताया कारणं छम्ह मिसा सीगु दु । निन्हु न्ह्यः निसें झाडाबान्ता जुम्ह मजकोट ८या न्यय्न्यादँया तिलु टमटा उपचारया अभावय् सीगु खँ धाःगु दु ।

फागुनया निगूगु वाः निसें जाजरकोटय् न्यनावंगु झाडाबान्ता छवाः न्ह्यः निसें जिल्लाया छगू दर्जन स्वयां अप्व गाविसय् न्यनावनाच्वंगु दु । दच्छि न्ह्यः जाजरकोटय् महाकारीया कथं न्यंगु झाडाबान्ताया निंतिं सरकारं थुगुसी उच्च सर्तकता नालाकाःगु दावी याःसां जिल्लाया ग्रामीण भेगय् स्थानियवासीतय् सरसफाई व स्वास्थ्य् अवस्थाय् सुधाय् मवेवं अन झाडाबान्ताया विरामीत अप्वयावंगु दु ।

दच्छि न्ह्यः मध्य व सुदुरपश्चिमया थीथी जिल्लाय् झाडाबान्तां महामारीया रुप काःगु खःसा जाजरकोटय् जक थुकीं यानाः निसः स्वयां अप्व मनूत सीगु खः ।