नेविसंघं नुवाकोट बन्द लितकाल

नेपाल विद्यार्थी संघं आइतवाः आह्वान याःगु नुवाकोट बन्द लितकाःगु दु । जिल्ला प्रशासन ज्याकूथीइ नेविसंघया प्रतिनिधि व प्रमखु जिलला अधिकारीत दथुइ जूगु खँल्हाबंला लिपाः नेविसंघं बन्द लितकाःगु खः ।

बैठकय् वैशाष १० गते नेविसंघया कार्यकर्तायात जूगु आक्रमणया विषयलय् सर्वदलीय बैठक सःतेगु, आक्रमणय् संलग्न मनूतय्सं ज्वनाः कारवाही यायेगु व वागेश्वरी उच्च माविया निर्वाचनया विषलय् विस्थापित जूपिं अभिभावकतय्त छेँय् लिहांवयेगु वातावरण दयेकेगु सहमति लिपाः नेविसंघं बन्द लितकाःगु खः ।

वंगु चैत २९ गते वाईसीएलं थःगु संगठनया कार्यकर्तातय्सं आक्रमण याःगु धासें नेविसंघं नुवाकोट बन्दया आह्वान याःगु खः । बन्दया कारणं आइतवाः सुथय् यातायात, कलकारखाना, शिक्षण संस्था आदि प्रभावित जूगु खः ।