एमालेया कार्यकर्तां आत्महत्या यायेवं थःगु हे पार्टी विरुद्ध प्रदर्शन
पार्टी वेवास्ताया कारणं थः हे पार्टी कार्यकर्ता डिकेन्द्र राजवंशीं आत्महत्या याःगु धासें एमाले कार्यकर्तातय्सं झापाय् प्रदर्शन याःगु दु । राजवंशीया छेँजः व आपालं पार्टी कार्यकर्तात झापाया चारआलीलय् पार्टी विरुद्ध नारावाजी यासें अनया यातायात नं अवरुद्ध याःगु दु । उमिसं पार्टीया पुलांम्ह कार्यकर्तायात पार्टीं वेवास्ता याःगु परिणाम कथं आत्महत्याया घटना जूगु द्वपं ब्यूगु दु ।
वंगु शुक्रवाः थः म्हायाय्यात जागिर नकेत पार्टीं ग्वाहालि मयाःगु धासें वय्कलं एमालेया मूज्याकू बल्खुइ आत्महत्या याःगु खः । झापा दुवागढी ५ निवासी खुन्यादँया राजवंशी थः नीप्यदँया म्हयाय्या जागिरया निंतिं निलाः न्ह्य: निसें एमालेया वरिष्ठ नेता व मन्त्रीतय् छेँ वनाः इनाप यानाच्वंगु खः ।
२०२८ सालय् झापा विदोह जूगु इलय् निसें वामपन्थी राजनीतिकलय् सक्रिय जुयादीम्ह राजवंशी एमालेया संगठित दुजः खः ।
