नेपाल बैंकया गोदामय् मिं नल

येँया न्हू सतकय् च्वंगु नेपाल बैंक लिमिटेडया गोदामय् शनिवाः सुथय् मिं नःगु दु । सुथय् न्याताः इलय् नःगु मि लिपाः प्यंगः दमकल व सुरक्षाकर्मीतय् ग्वाहालिं स्वघौ लिपाः नियन्त्रणय् काःगु खः । बैंकया गोदामय् पुलांगु भ्वँ दुगु व बैंकया कःसिइ नं भ्वाँया टुक्रात दुगुलिं चुरोस त्वनाः वानछ्वयातःगु पाखें मिं नःगु आशंका प्रहरीं याःगु दु । बैंकया ल्यूने लाःगु गोदामय् जक मिं नःगुलिं मुख्य बैंकया भवनय् छुं क्षति मजू ।