ताहननी चूकय् मि च्यानाः स्वखा: छेँ नष्ट

येँया तहाननी चूकय् शुक्रवाः सनिलय् मि च्यानाः स्वखाः छेँ पूर्ण रुपं नष्ट जूगु दु । मि नयाः नापसं च्वंगु मेगू प्यखाः छेँ नं क्षति जूगु दु ।

शुक्रवाः सनिलय् खुताः इलय् च्याःगु मि लःया अभावया कारणं नियन्त्रणय् कायेत थाकूगु खःसा लिपाः गुताः इलय् सेना, प्रहरी व स्थानीयवासीया सक्रियताय् मिं पूर्ण रुपं स्याःगु खः । मि नियन्त्रणय् कायेत जुद्ध बारुण यन्त्रया निगः दमकल, नेपाली सेना, नेपाल प्रहरी व सशस्त्र प्रहरी नं खटे जूगु खः ।

येँ महानगरिपालिका २६ नम्बर वडा ज्याकू नापसं च्वंगु भेन्द्यो महर्जनया छेँया ग्याँस लिकेज जुयाः च्याःगु मि च्याःगु अनुमान प्रहरीं याःगु दु । मिं नयाः छुं मानविय क्षति धाःसा मजूगु खँ प्रहरीं धाःगु दु ।