आदिवासी जनजाितं ब्यागलं संयन्त्रया माग यानाः रिट दायर

आदिवासी जनजाितं संविधानसभाय् आदिवासी जनजातिया सवालयात स्वतन्त्र रुपं ल्ह्वनेत ब्यागलं संयन्त्रया माग याःगु दु । राष्ट्रिय आदिवासी जनजाति महिला महासंघ नापंया नीगु आदिवासी जनजाति संस्थां संविधानसभाय् आदिवासी जनजाति सभासद्या भूमिका शून्य जूगु धासें याकनं ब्यागलं संयन्त्रया माग याःगु दु । इमिसं येँ थौं पत्रकार सम्मेलन यानाः सरकारं पारित यायेधुंकूगु आईएलओ महासन्धि १६९ ब्यवस्था जूगु अधिकार कार्यन्वयन यायेत माग याःगु दु । इमिसं आईएलओ महासन्धि पूर्ण कार्यान्वयनया माग यानाः वंगु फागुन १ गते सर्वोच्च अदालतय् रिट दायर यानागु जानकारी नं ब्यूगु दु । पत्रकार सम्मेलनय् आदिवासी जनजातिया मानवअधिकार संरक्षणया क्षेत्रय् ज्या यानाच्वंिपं कानुनब्यवसायीया संस्था लाहुर्निपया न्वकू दिनेश घलें जातीय अधिकार संरक्षण यायेत आदिवासी जनजाति सभासद्या भूमिका शून्य जूगु धासें तँ तकं प्वंकूगु दु । राष्ट्रिय आदिवासी जनजाति महिला महासंघया नायः चिनीमाया माझीं न्हूगु संविधानय् कुल जनसंख्याया स्वीच्यागू प्रतिशत हिस्सा कःघाःगु आदिवासी जनजातिया सवाल कःघायेत माग याःगु दु ।