शिक्षकतय् सैन्य दस्ता

येँ (सन्ध्या टाइम्स)/माओवादीया वाईसीएल भंग यायेमाल धकाः माग जुयाच्वंगु इलय् लाक्क माओवादीं धाःसा थःगु मातहतया शिक्षकतय्त नापं अर्थ सैनिक तामिल बीगु शुरु याना हःगु दु। सिन्धुलीइ करिब न्यासःम्ह शिक्षकतय्त माओवादीं सैन्य कक्षा व तालिम बीगु ज्या शुरु याना हःगु खः। थुकी १८ निसें ४० दँ तकयापिं शिक्षकशिक्षिकात सहभागी जुयाच्वंगु दु। शिक्षकतय् थज्याःगु सैन्य दस्ता आः देय्या ७५ गुलिं जिल्लाय् दयेका वनेगु खँ नं माओवादीं धाःगु दु ।