नेवाः पाठ्यसफू बारे सहलह ज्याझ्वः
येँ (सन्ध्या टाइम्स)/पूर्व प्राथमिक तहलय् ब्वंकेगु नेवाः भाय्या सफू दयेकेगु बारे थन छगू सहलह ज्याझ्वः जुल। नेवाः वस्ती नेवाः स्कूल अभियानया पहलय् जूगु उगु सहलह ज्याझ्वलय् जगतसुन्दर ब्वनेकुथि, मोडर्न नेवाः स्कूल, नेवाः स्यनामि दबू व नेवाः स्कूल अभियान अन्तर्गतया स्कूलत लगायत नेवाः भाय् ब्वंकाच्वंगु थीथी स्कूलया स्यनामि व प्रिन्सिलपिंसं ब्वति काःगु खः ।
फुक्कं स्कुलय् छगू हे कथंया नेवाः सफू छ्यलेगु व सकलसिगुं बिचाः दुथ्याकाः हालया सफुली आवश्यक परिमार्जन यायेगु खँ नं सहलहस क्वःजिउगु खः। नेवाः भाय् ब्वंकीगु फुक्कं निजी व सरकारी स्कूलया दथुइ एकता दयेकाः नेवाः भाय् ब्वंकीगु स्कूलया ल्याः अप्वयेका यंके माःगु खँय् नं सहलह जूगु खः ।
