कांग्रेस शीर्ष नेतात राष्ट्रपति निवासय्

राष्ट्रपति डा. रामवरण यादव व नेपाली कांग्रेसया स्वम्ह शीर्ष नेतात दथुइ देय्या समसामयीक राजनीतिक विषयलय् खँल्हाबंला जूगु दु । इलय् हे संविधान निर्माण जुइमखु धकाः थीथी राजनीतिक दलया नेतातय्सं धयाच्वंगु इलय् राष्ट्रपति यादवं कांग्रेस नेतात नाप थुकीया बारे सहलह यानादीगु खः ।

राष्ट्रपति भवन शितल निवासय् कांग्रेसया कार्यवहाक सभापति सुशील कोइराला, वरिष्ठ नेता शेरबहादुर देउवा व संसदीय दलया नेता रामचन्द्र पौडेल वनाः संविधान निर्माण लगायत विषयलय् राष्ट्रपति नाप खँल्हाबंला याःगु खः ।