बोडेय् म्ये प्वाः खनीगु
ख्वप (सन्ध्या टाइम्स)/बिस्काः जात्राया झ्वलय् ख्वपया यःसिं ख्यलय् खाइसंल्हूया छन्हु न्ह्यः अर्थात म्हीग बहनी थंगु यःसिं म्हिगः क्वःथःगु दुसा मध्यपुर थिमि लागाय् धाःसा थौं बिस्काः जात्रा शुरु जूगु दु ।
सुथंनिसें हे थिमि व नगदेशय् द्यःखः क्वबियाः जात्रा जुयाच्वंगु दु। जात्राया झ्वलय् थौं हे बोडे लागाय् म्ये प्वाः खनीगु जात्रा नं जुइ। द्यःखः जात्रा क्वचायेधुंकाः थौं म्ये प्वाः खनाः जात्रा याइगु खः ।
थगुने जात्राया झ्वलय् म्ये प्वाःखंम्ह जुजुभाई बासं श्रेष्ठं हे थौं नं म्ये प्वाः खनीगु खँ धाःगु दु। म्ये प्वाः खनीगु जात्रायात मनूतय्सं स्वनिगःया छगू अजू चायापुगु जात्रा कथं नाला वयाच्वंगु दु ।
