थनिंनिसें सुजिव नायः

येँ (सन्ध्या टाइम्स)/नेवाः स्वायत्त राज्य मंकाः संघर्ष समितिइ थनिंनिसें नेवाः जागरण मञ्चया कजि सुजिव बज्राचार्य नायः जुयादीगु दु। नेपाः लोकतान्त्रिक नेवाः संघया सानुराजा शाक्य धुंकाः वय्कः नायः जुयादीगु खः। संघर्ष समितिइ लय्लय्पतिकं नायः हिलीगु खः। सुजिव बज्राचार्य लछि तक नायः जुयादीसा वयां लिपा नेवाः ल्याय्म्ह न्ह्यलुवाया कजि नरेशवीर शाक्य नायः जुयादी ।