मणिसंघ विहारय् क्वथुपुइ आचागु
येँ (सन्ध्या टाइम्स)/येँया क्वथुपुइ आचागु न्यात। वंगु मंगलवाः मणिसंघ महाविहारय् उगु आचागु न्यायेकूगु खः। क्वथुपुइ आचाजु गुथिया न्वकु देवेन्द्र बज्राचार्यया सभापतित्वय् उगु ज्याझ्वः जूगु खः ।
ज्याझ्वलय् दछिया लेखा प्रतिवेदन व प्रगति प्रतिवेदन संस्थाया दांभरी मदनमुनि बज्राचार्यं न्ह्यब्वयादीगु खः।
क्वथुपुइ आचाजुपाखें चक्रेश्वर आचाजुपिंत व देय् आचार्य गुथिइ निर्वाचित जूपिंत खादा क्वखायेकाः हनेज्या जूगु उगु ज्याझ्वलय् थुगुसी मदुपिं गुथिया दुजःतय् नामय् छगू मिनेट मौन धारण नं याःगु खः ।
मेगु दँय् मणिसिंह महाविहारयात थुगु गुथि न्यायेकेगु पाः बिउगु दु ।
