जेठ १४ य् संविधान वइ मखु: अर्थमन्त्री पाण्डे
येँ (सन्ध्या टाइम्स)/अर्थमन्त्री सुरेन्द्र पाण्डें जेठ १४ गते संविधान जारी याये फइ मखु धयादीगु दु। आपालं विषयय् नेतातय् दथुइ खँ याये मानिगु जूगुलिं धयातःगु इलय् संविधान जारी याये मफइगु खँ वय्कलं धयादीगु खः। म्हिगः चितवन भरतपुय् पार्टी कार्यकर्तायात प्रशिक्षण बीगु झ्वलय् वय्कलं थ्व खँ धयादीगु खः ।
इलय् संविधान जारी याये फइगु सम्भावना मदुसां सरकार धाःसा मेगु खुला म्याद थपे यानाः जूसां बियातःगु इलय् हे संविधान जारी यायेत प्रतिवद्ध दुगु खँ नं वय्कलं धयादीगु दु। वय्कलं संविधान दयेके मफुत धाःसा सरकार क्वःदलाः सैनिक सरकार वइगु धइगु खँ धाःसा हल्ला जक खः धकाः नं स्पष्ट यानादिल ।
