कांग्रेस केन्द्रीय समितिया बैठक स्थगित
नेपाली कांग्रेसया केन्द्रीय समितिया बिहीवाः च्वंगु बैठक मू विषयलय् प्रवेश मयायेकं स्थगित जूगु दु । पार्टीया झिंनिक्वःगु महाधिवेशनया तयारीया विषलय् सहलह यायेगु धकाः सःतुगु बैठक थीथी जिल्लाय् खनेदुगु विवाद समाधन मजुइवं स्थगित यायेमाःगु खः ।
जिल्ला तहलय् खनेदुगु विवाद समाधान यायेत सहमहामन्त्री अर्जुननरिसंह केसीया संयोजकत्वय् स्वम्ह दुज: दुगु कार्यदल गठन याःगु दु । उगु कार्यदलय् चिरंजिवि वाग्ले व दिपकुमार उपाध्याय दुजः कथं च्वनादीगु दु ।
जिल्ला तहया विवाद समाधान यायेत थ्वस्वां न्ह्य: गठित समितिं छ्वःगु प्रस्तावय् केन्द्रीय दुज:तय्सं आपत्ति प्वंकेवं बिहीवाःया बैठक थप एजेण्डाय् प्रवेश मयायेकं स्थगित जूगु खः । बिहीवाःया बैठकय् क्रियाशील सदस्यता वितरणया सम्बन्धय् आधार तयार यायेगु, जिल्ला, क्षेत्र व नगर कमिटीया अधिवेशनया मिति क्वःछीगु ज्याझ्वः नं दुगु खः ।
