शान्ति प्रकृयाया निंतिं लडाकु व्यवस्थापन अनिवार्य : प्रम
प्रधानमन्त्री माधवकुमार नेपालं शान्ति प्रकृयायात सार्थक निष्कर्षय् थ्यंकेत माओवादी लडाकुतय् समायोजन व पुनस्थपाना यायेगु ज्या अनिवार्य जूगु खँ धयादीगु दु । वय्कलं थुकीया निंतिं थःम्हं ता: ई न्ह्य: हे विशेष समितिलय् कार्ययोजना, कार्यविधि व आचारसंहिता न्ह्यब्वयाःगु धयादिल ।
प्रधानमन्त्री निवास बालुवाटारय् बुधवा: नेपाः भ्रमणय् दीम्ह नर्वे सरकरया शान्ति स्थापना सम्बन्धी विशेष दूत टोरे टोरेङ व प्रधानमन्त्री नेपाल दथुइ जूगु खँल्हाबंलाय् टोरेङं नेपाःया शान्ति प्रकृयाया प्रगतिया बारे च्यूताः प्वंकादीगु खः । वय्कलं नेपालय् शान्ति स्थापना व संविधान निर्माण जूगु स्वयेत अन्तर्राष्ट्रिय समुदाय इच्छुक जूगु धयादिसें उकी प्रधानमन्त्री नेपालं पहल याइगु विश्वास प्वंकादीगु खः ।
लिसःलय् प्रधानमन्त्री नेपालं सरकार याकचां जक चाहे जुयाः शान्ति प्रकृयायात सार्थक निष्कर्षय् थ्यंकेमफइगु धयादिसें उकीया निंतिं मेगू पक्षं नं ग्वाहालि ययोमाःगु धयादिल । नापं वय्कलं जनचाहना कथं संविधान च्वयेत सहमति व सहकार्यया विकल्प मदुगु धयादिसें उकीया निंतिं थः तसकं लचकताया साथ प्रस्तुत जुयागु नं धयादिल ।
