छुं नं हालतं जेठ १४य् संविधान जारी जुइमखु : अर्थमन्त्री

अर्थमन्त्री सुरेन्द्र पाण्डें संविधान जारी यायेत क्वःछिनातःगु ई जेठ १४ दुने छुं नं हालतं संविधान जारी जुइमफइगु दावी यानादीगु दु । वय्कलं संविधानसभाया म्याद खुलाः थप यानाः जुसां झीगु व बांलागु संविधान बीगु वातावरण दयेकेत सरकार प्रतिबद्ध दुगु धयादिल ।

बुधवाः भरतपुरय् पार्टी कार्यकर्तात नापया सहलह ज्याझ्वलय् मन्त्री पाण्डें दलत दथुइ यक्व खँय् सहमति जुइ ल्यंदनीगुलिं इलय् हे संविधान जारी जुइगु स्थिति मदुगु धयादिल । वय्कलं संविधानसभाया ई थप यानाः संविधान निर्माण थ्वहे सरकारं याइगु नं धयादिल ।

माओवादीं धायेवं वर्तमान सरकारं राजीनामा मबीगु धयादिसें मन्त्री पाण्डें संविधान व विधिसम्मत तरिकां सरकार दयेकाः क्यनेत माओवादीयात हाथ्या बियादिल ।