अमेरिकाय् नेवाःतय् गुक्वःगु मुँज्या

येँ (सन्ध्या टाइम्स)/नेवाः अर्गनाइजेशन अफ अमेरिकाया गुक्वःगु मुँज्या थुगुसी थ्वहे वइगु मे ३० तारिख कुन्हु यायेगु क्वःछिउगु दु। अमेरिकी राजधानी वाशिंगटन डीसीया पोटोम्याक कम्युनिटी सेन्टरय् थ्व मुँज्या यायेगु खँ ग्वसाः खलकं धाःगु दु। उगु मुँज्याय् नेवाः सांस्कृतिक ज्याझ्वः, नेवाः हस्तकला ब्वज्या नापं नेवाः समय्बजि व भ्वय् नकीगु खँ नं धाःगु दु ।