दुर्घटनाय् स्वम्ह सित
येँ (सन्ध्या टाइम्स)/नारायणगढ मुग्लिन सडकखण्ड अन्तर्गत चितवनया दारेचोकय् थौं सुथय् ४ बजेपाखे छगः ट्रक दुर्घटना जुयाः स्वम्ह मनू सीगु दुसा झिम्ह घाःपाः जूगु दु ।
वीरगन्जं येँय्पाखे वयाच्वंगु ना. २ ख ६२२१ नम्बरया ट्रक चितवनया दारेचोक गाविस वडा नं. ३ या लेवाटारय् उगु दुर्घटना जूगु खः ।
उगु दुर्घटनाय् लानाः पर्साया १२ दँ दुम्ह मिनी पन्थी, सुशीला आचार्य व ट्रकया सहचालक नां सीके मफुनिम्ह मनू सीगु खँ चितवन प्रहरीं धाःगु दु ।
