कोशी राजमार्ग बन्द

येँ (सन्ध्या टाइम्स)/प्रहरीं ज्वंपिं स्वम्ह कार्यकर्ता त्वःतेमाःगु माग यासें लिम्बुवान राज्य परिषदं थौं कोशी राजमार्ग बन्द याःगु दु। बन्दं यानाः विराटनगर, सुनसरी, धनकुटाय् चले जुइगु सवारी साधन ठप्प जूगु दु। बन्द सफल यायेत सतकय् सुथंनिसें हे प्रदर्शन यानाच्वंपिं कार्यकर्तालिसे कचमच जुयाः प्रहरीं परिषदया सुनसरी जिल्लाया नायः डम्बर खजुङ नापं प्यम्ह कार्यकर्तातय्त थौं ज्वना यंकेधुंकूगु दु। माग पूरा मजुल धाःसा कन्हय् कोशी राजमार्ग नापं पूर्वपश्चिम राजमार्ग बन्द यायेगु ख्याच्वः परिषदं बिउगु दु ।