ल्वाभः सहित ज्वंम्ह वाईसीएल ईन्चार्जयात त्व:तल

राष्ट्रसंघया छाप दुगु ल्वाभः सहित ज्वंम्ह माओवादी पोलिटब्यूरो दुजः नापं वाईसीएल ईन्चार्ज कुलप्रसाद केसी (सोनाम)यात प्रहरीं मंगलवाः त्वःतुगु दु । सोमवाः बहनी चाबहिलय् मोटरसाइकल जाँच यायेगु झ्वलय् सोनाम व वय्कया अंगरक्षकयात ल्वाभः सहित ज्वंगु खः ।

मंगलवाः माओवादीं प्रहरी ज्वना यंकूम्ह वाईसीएल इन्चार्जयात त्वःते माःगु माग यासें हनुमानध्वाखाय् च्वंगु जिल्ला प्रहरी ज्याकू घेरे यायेवं लिपाः प्रहरीं अनमिनया प्रतिनिधिया रोहवरय् सोनाम व वय्कया अंगरक्षकयात त्वःतुगु खः ।