किरात भूमियात टुक्रा यायेमते
किरात राई यायोक्खां संविधानसभाया राज्य पुनर्संरचना व राज्य शक्तिया बाँडफाँड समितिं न्ह्यब्वःगु प्रतिवेदनया आधार प्रति समर्थन प्वंकूसें ऐतिहासिक भूमि टुक्रा यायेत स्वःगु खँय् धाःसा विरोध प्वंकूगु दु ।
यायोक्खाया स्वन्हुन्यंक न्ह्याःगु मुँज्याः लिपाः मंगलवाः पिथंगु विज्ञप्तिइ पश्चिमया रामेछाप, दोलखा, सिन्धुली निसें पूर्व भारतया सीमा मेची खुसि, उत्तरय् चीनया सीमा व दक्षिणय् राजमार्गया उत्तरपाखेया भूगोलयात किरातरीतय् ऐतिहासिक भूमि जूगु दावी यासें थुगु भूभागात किरात राज्यया कथं न्ह्यथनेमाःगु माग नं याःगु दु ।
अथेहे न्हूगु संविधानय् निस व न्यय्दँ न्ह्यः निसें उत्पीडन व विभेदय् लाःपिं आदिवासी जनजाति, दलित, मधेसी व मिसातय् पहिचान व सामार्थ्यया आधारय् जातीय संघीय राज्य प्राप्त यायेमाःगु आवश्यकताय् बः ब्यूसें थ्वहे आधारय् संविधान निर्माण यायेत राजनीतिक दलतय्त इनाप याःगु दु ।
