कांग्रेसा खुम्ह नेतायात कारवाहीया सिफारिस

नेपाली कांग्रेस रामेछापं पार्टी विधान विपरीत ज्या याःगु धासें पुलांम्ह सांसद नापं खुम्ह जिल्ला नेतायात कारवाही यायेगु निंतिं केन्द्रीय समितियात सिफारिस याःगु दु ।

जिल्ला समितिया वंगु शनिवाः जूगु बैठकय् जिल्ला नेतातय्सं पार्टी विधान विपरीत अनुसासनहीन ज्या याःगु, जिल्ला समितिया निर्णया पुस्तिक खुयाब्यूगु व जिल्ला समापति लगायतयात दुर्व्यवहार याःगु धासें इमित कारवाही यायेत सिफारिस याःगु खः ।

अनुसासनहीन ज्या याःगु धकाः कारवाही यायेत रामेछाप जिल्लां सहअध्यक्ष आङटावा शेर्पा, पुलांम्ह सांसद राहरी ढुङ्गे, जिल्ला नेतात विमल वाग्ले, अर्जुन केसी। ताराराम श्रेष्ठ व जितवहादुर मगरया नां सिफारिस याःगु दु ।