राष्ट्रिय सहमतिया निंतिं सरकर बाधक जुइमखु : खनाल
नेकपा (एमाले)या अध्यक्ष झलनाथ खनालं राष्ट्रिय सहमतिया निंतिं सरकार बाधक मजुइगु खँ धयादीगु दु । वय्कलं राष्ट्रिय सहमति हे वर्तमान आवश्यकता जूगु धयादिसें राष्ट्रिय सहमति यानाः शान्ति स्थापना व न्हूगु संविधान निर्माण यायेमाःगु धयादिल ।
एमाले रुकुमया खुक्वःगु जिल्ला सम्मेलनया सदरमुकाम मुसीकोटय् उल्लेज्या यानादिसें अध्यक्ष खनालं दक्वं शक्तित छप्पँ जुयाः राष्ट्रयात ठोस निकास बीत आवश्यक जूगु धयादिल । वय्कलं माओवादी लोकतान्त्रिक जुइ जरुरी जूगु खँय् बः बियादिसें राष्ट्रिय सहमतिया निंतिं ग्वाहालि यायेत माओवादीयात इनाप यानादिल ।
अथेहे मेगू छगू प्रशंगय् वय्कलं पार्टीया उपाध्यक्ष बामदेव गौतमं पार्टीया आधिकारीक धारणा विपरीत सरकार विघटन जुइमाःगु धकाः सरकारया विरुद्ध न्ववाःगु धयादिसें गौतमयात पार्टीं स्पष्टिकरण काइगु धयादिल । तर वय्कलं सरकारय ज्याखँ प्रति थः नं सन्तुष्ट जुइगु थाय् मदुगु धयादिल ।
