माओवादीया प्रमुख च्यूताः सत्ता : महतो

आपूर्ति मन्त्री राजेन्द्र महतों एकीकृत नेकपा (माओवादी) संविधान च्वयेगु स्वयां सत्ता प्राप्तिया कासाय् अप्व लगेजुयाच्वंगु द्वपं बियादीगु दु ।

मेची-महाकाली स्वाभीमान अभियानाया झ्वलय् रौतहट थ्यंकादीम्ह मन्त्री महतों सोमवाः गौरय् पत्रकारत नाप खँल्हाबंला यानादिसें संविधान निर्माणया दक्वं अधिकार संविधानसभा जूगु धयादिसें संविधानसभा पाखें संविधान च्वयेगु ज्यया बाधक माओवादी जूगु धयादिल । माओवादीं संविधान च्वयेगु पलेसाः वर्तमान सरकार क्वथलेगु व थःगु नेतृत्वया सरकार दयेकेत लगे जुयाच्वंगुलिं संविधान निर्माणया ज्या जुइमफुगु द्वपं बियादिल ।

वय्कलं माओवादी लडाकुया व्यवस्थापन, वाइसियलया विघटन व माओवादीं कब्जा यानातःगु छेँबुँ लित मब्यूतल्ले माओवादीयात सरकारया नेतृत्व यायेगु नैतिक अधिकार मदुगु दावी यानादिल ।