बिचाः मुँज्या
येँ (सन्ध्या टाइम्स)/बौद्ध महिला संघ नेपालपाखें मदुम्ह सल्लाहकार भक्तिदास श्रेष्ठ व संरक्षिका दानलक्ष्मी कंसाकारया लुमंतिइ छगू बिचाः मुँज्या यात। संघया धर्मानुशासक भिक्षु अश्वघोष महास्थविरं पंचशील पाठ यासें न्ह्याकूगु उगु ज्याझ्वलय् मदुपिं व्यक्तित्वपिनि बारे संघया पुलांम्ह नायः नानीमैंया मानन्धर व आःयाम्ह न्वकु बीणा कंसाकारं कनादीगु खः। ज्याझ्वलय् भिक्षु अश्वघोष व धम्मावती गुरुमांपिंसं मदुम्ह भक्तिदास व दानलक्ष्मीया जीवनी बारे कनाबिज्याःगु खः ।
दानलक्ष्मी कंसाकारया छेँजःपाखें विजयरत्नजुं नं न्ववानादीगु उगु ज्याझ्वलय् वय्कःया म्ह्याय्पिं गंगा व सिद्धिशोभापिंसं बौद्ध महिला संघयात झिद्वः तका बियादीगु खः ।
