अपहरणया भिडियो टेप सार्वजनिक
छुं्र िदं न्ह्यः पाकिस्तानया क्वेटा इलाकाय् अज्ञात समूहया अपहरणय् लाम्ह संयुक्त राष्ट्र संघया अधिकारीया छगू भिडियो टेप सार्वजनिक जूगु दु । शरणार्थी सम्वन्धी एजेन्सीइ ज्या याइम्ह राष्ट्र संघया अधिकारी जोन सोलेस्कीयात उगु भिडियो टेपय् मिखाय् कापः चिनातःगु अवस्थाय् दुगु क्यंगु दु । उगु भिडियो टेपय् थः ज्वर वयाच्वंगु व थःगु अवस्था तसकं खराब दुगु धासें त्वःतकेया निितं कुतः यायेत राष्ट्र संघयात इनाप याःगु दु ।
बलुचिस्तानया राजधानी क्वेटा इलाकाय् अपहरणकारीतय्सं वयागु गाडीयात आक्रमण यानाः वयात अपहरण याःगु खः । उगु हमलाय् लानाः छम्ह ड्राइभर घटनास्थलय् हे सीगु खः । हमलाया छुं ई लिपा बलुचिस्तान लिवरेशन युनाइटेड प्रुन्ट नांया छगू संगठनं जोनयात अपहरण यानागु जिम्मेवारी काःगु दु । अफगानस्थानलिसे सीमा स्वानाच्वंगु उगु क्षेत्रय् ताःहाकःगु ईनिसें थःगु अधिकार व स्वायत्तताया माग न्ह्यःने न्ह्याकाः लिवरेशन प्रुन्टं सशस्त्र संघर्ष यानाच्वंगु दु ।
